Jyl sońyna deıin aqsha-kredıttik talaptar qatańdaýy múmkin
«2018 jylǵy qańtar-tamyzda ınflıatsııa 2,9 paıyz boldy. Bul ótken jylǵy osyndaı kezeńiniń kórsetkishterinen tómen. Jyldyq ınflıatsııa ótken jyldyń sońyndaǵy 7,1 paıyzben salystyrǵanda tamyzda 6,0 paıyzǵa deıin baıaýlady. Halyq arasynda saýalnama júrgizý nátıjesi boıynsha tamyzda bir jyl alǵa kútiletin ınflıatsııany sandyq baǵalaý 5,9 paıyz boldy»,- dedi ol.
Danııar Aqyshevtiń aıtýynsha, Ulttyq banktiń baǵalaýy boıynsha aǵymdaǵy jyly ınflıatsııa 5-7 paıyz nysanaly dálizde saqtalady. Alaıda sońǵy birneshe aıda ınflıatsııanyń baıaýlaý táýekelderi joǵary.
Inflıatsııa 2019 jyly nysanaly dálizdiń joǵary sheginde, 4-6 paıyzǵa jýyq qalyptasady. Ulttyq bank 4-6 paıyz, ıaǵnı 6 paıyzǵa jýyq dep aıqyndady. Bul syrtqy faktorlar áserine, sondaı-aq ishki jıyntyq suranystyń keńeıýine baılanysty. Osyǵan oraı ınflıatsııany nysanaly dálizde saqtaý úshin qosymsha sharalar qabyldaý qajet», - dedi D.Aqyshev.
Munan bólek ol jyl basynan bastap bazalyq mólsherlemeniń 10,25 paıyzdan 9 paıyzǵa deıin tómendetilgenin atap ótti.
«Eger ınflıatsııa táýekeli boıynsha baǵalaýymyz durys bolsa, Ulttyq bank jyl sońyna deıin aqsha-kredıttik talaptardyń qatańdaýyn joqqa shyǵarmaıdy»,- dedi ol.