Jyl sońyna deıin 6 jańa astyq qoımasy beriledi
ASTANA. 31 tamyz. QazAqparat - Jyl sońyna deıin Qazaqstanda 6 jańa astyq qoımasy beriledi, dep habarlady QR Aýyl sharýashylyǵy mınıstrliginiń baspasóz qyzmeti pm.kz saıtyna.
«Ústimizdegi jyldyń sońyna deıin jalpy syıymdylyǵy 115 myń tonna bolatyn 6 jańa astyq qoımasy, onyń ishinde «QazAgro» UBH» AQ jelisinen 14 myń tonnalyq 1 astyq qoımasy beriledi», - delingen vedomstvo habarlamasynda.
Sondaı-aq, qoldanylyp júrgen astyq qoımalary jańartylyp, qýaty arttyrylady. Sonymen qatar, «QazAgroQarjy» AQ iri jáne orta aýyl sharýashylyǵy taýar óndirýshilerdi qarjylandyrý arqyly astyq qoımalaryn salyp jáne syıymdylyǵy 800 myń tonnalyq qoımalardy jańǵyrtýdy josparlap otyr. «Azyq-túlik korporatsııasy» UK» AQ jańa qoımalardy salýdy jáne qolda bar 700 myń tonnalyq astyq qoımalaryn satyp alýdy qarjylandyrady.
QR AShM málimetterine qaraǵanda, qazirgi kezde respýblıkadaǵy qoımalardyń syıymdylyǵy 22,9 mln tonnany quraıdy. Ústimizdegi jyly jańa qoımalar iske qosylǵannan keıin respýblıka boıynsha jalpy syıymdylyq 23,1 mln tonnany quraıtyn bolady.
Aqparatta aıtylǵandaı, jańa salynǵandardy esepke alǵanda, respýblıkadaǵy astyq qoımalarynyń syıymdylyǵy bıylǵy maýsymdaǵy astyqty saqtaýǵa tolyǵymen jetedi.
