Jyl sońyna deıin 4G jelisi turǵyndar sany 50 myńnan asatyn barlyq qalada qoljetimdi bolady
ASTANA. QazAqparat - 2014 jyldyń sońynda turǵyndar sany 50 myńnan asatyn elimizdiń barlyq qalasynda 4G tehnologııalarynyń bazasyndaǵy baılanys qoljetimdi bolady.
Al 2018 jyly bul qyzmet barlyq aýdan ortalyqtarynda iske qosylady.
Budan bólek, elimizde keń jolaqty ınternetke qol jetkizgen abonentterdiń sany 9,9 mıllıonǵa jetip otyr.
Al uıaly baılanys abonetteriniń kólemi 28,1 mıllıondy qurady. Qazaqstannyń uıaly baılanys naryǵynda búginde tórt GSM-operatorlary («Ksell»AQ, «KaR-Tel» jáne «Mobaıl Telekom-Servıs» JShS, «Altel» AQ) óz qyzmetterin usynyp keldi.
Munymen qosa, Qazaqstannyń aqparattyq kommýnıkatsııa salasyndaǵy «OTAU TV» ulttyq jerseriktik telehabar taratý jelisiniń paıdalanýshylary 700 myń otbasydan asty. Bul óz kezeginde 2,5 mln. adamdy qamtyp otyr.
Sonymen qatar sandyq efırlik telearna 3,5 mln. adamdy qamtıtyn 370 eldi mekende qoljetimdi.
