Jyl sońyna deıin 26 áleýmettik nysan paıdalanýǵa beriledi - Qyzylorda oblysy

 QYZYLORDA. QazAqparat- Oblys ákimi Qyrymbek Kósherbaevtyń tóraǵalyǵymen ótken apparat otyrysynda oblystyq qurylys, sáýlet jáne qala qurylysy basqarmasynyń basshysy Muhamedısa Álserikov 2017 jyly iske qosylatyn nysandardyń qurylysy jaıly aıtty, dep habarlaıdy QazAqparat tilshisi. 

 Sala basshysynyń aıtýynsha, qazirgi tańda atalǵan basqarma arqyly 54 áleýmettik nysannyń qurylysy júrgizilýde. Onyń ishinde 23-i ótken jyldan qalǵany bolsa, 31-niń qurylysy jańadan bastalǵan. Jyl sońyna deıin 26 áleýmettik ǵımaratty paıdalanýǵa berý josparlanyp otyr.

Sondaı-aq, «Nurly jer» baǵdarlamasy aıasynda turǵyn úı qurylysy men ınjenerlik-kommýnıkatsııalyq ınfraqurylym jelilerin damytýǵa memlekettik bıýdjetten 5,5 mlrd teńge qarjy bólingen. Onyń ishinde Ulttyq qordan 4,4 mlrd oblystyq bıýdjetten 1,1 mlrd teńge baǵyttalǵan.
Búginde oblysta jalpy aýdany 141,3 myń sharshy metrdi quraıtyn 41 kópqabatty turǵyn úıdiń qurylysy júrgizilýde.