Jyl sońyna deıin 20-ǵa jýyq jekemenshik mekteptiń qurylysy aıaqtalady
NUR-SULTAN. QazAqparat - Qazaqstanda bıyl 18 jekemenshik mektep ashylady. Bul týraly memlekettik-jekeshelik áriptestik taqyrybyna arnalǵan Úkimet otyrysynda QR Bilim jáne ǵylym mınıstri Kúlásh Shámshıdınova málim etti, dep habarlaıdy QazAqparat tilshisi.
«Oqý protsesin jan basyna sáıkes qarjylandyrý negizinde jeke kásipkerlerdi óz qarajaty esebinen mektep qurylysyn júrgizýge yntalandyrý arqyly elimizde 15 jańa jekemenshik mektep ashyldy. Jyl sońyna deıin taǵy 18 mektep (4 700 oryndyq) ashylady dep kútilýde. Jalpy, úsh jyldyń ishinde 40 mektepti iske qosý josparlanyp otyr», - dedi mınıstr.
Onyń sózine qaraǵanda, memlekettik bıýdjet esebinen mektep salýdy óńirdegi bala sanyna qaraı josparlaý qarastyrylyp otyr. Úsh aýsymdy jáne apatty ǵımaratta ornalasqan mektepter men oqýshy orny tapshy eldi mekender problemalaryn sheshýge baǵyttalatyn.
Mınıstrliktiń málmetine qaraǵanda, búginde elimizde 31 apatty mektep, 128 úsh aýysymda oqytatyn mektep jumys isteıdi.
«Tehnıkalyq jáne kásiptik bilim berý baǵytynda da memlekettik-jekeshelik áriptestik damyp keledi. Búgingi tańda respýblıkada 821 kolledjdiń 479-y memlekettik, al 342-si jekemenshik nysandar. Qazirgi kezde Pavlodar, Almaty oblystarynda bızneske senimgerlik basqarýǵa 5 kolledj berilgen. Dýaldy bilim berýmen stýdentterdi qamtý 19,8 paıyzdy qurady. ıAǵnı bıznes tarapynan tehnıkalyq jáne kásiptik bilim sapasyn arttyrý úshin oqý protsesine aralasýǵa qulshynys bar. Sondyqtan kásiporynnyń shyǵystaryn óteý arqyly olardyń áriptes bolýǵa yntasyn arttyrýǵa baǵyttalǵan is-sharalardy uıymdastyrý bastaldy», - dedi K. Shámshıdınova.
