Jyl sońyna deıin 2,5 myńnan astam qaraǵandylyq otbasy baspanaly bolady
NUR-SULTAN. QazAqparat - Qaraǵandy oblysynda jyldyń aıaǵyna deıin 2676 otbasy qonys toıyn toılaıdy, dep habarlaıdy QazAqparat tilshisi.
«2020 jyldyń 10 aıynyń qorytyndysy boıynsha oblystaǵy qurylys jumystarynyń kólemi 105,5%-dy qurady. Onyń ishinde turǵyn úıdi qoldanysqa berý qarqyny 10,3%-ǵa artty nemese 391,6 myń sharshy metrge ulǵaıdy. Sondaı-aq, 10 aıdyń ishinde baspana kezeginde turǵandardyń úlesi 6%-ǵa azaıyp otyr», - dedi Qaraǵandy oblysynyń ákimi Jeńis Qasymbek OKQ-de onlaın ótken baspasóz máslıhatynda.
Onyń aıtýynsha, aldaǵy jeltoqsan aıynda 600 myń sharshy metrdi quraıtyn turǵyn úı qoldanýǵa beriledi.
«Bul ótken jylmen salystyrǵanda 25%-ǵa artyq. Odan bólek, bıyl «Baqytty otbasy» baǵdarlamasymen 560 otbasy jańa qonysqa ıe boldy. Jyl sońyna deıin memlekettik baǵdarlamalar jáne demeýshilik kómek esebinen 2 676 otbasy baspanaly bolady. Onyń ishinde 653-i kópbalaly otbasy sanatyna jatady«, - dedi ákim.
