Jyl sońyna deıin 150 aýyl sharýashylyǵy kooperatıvi qurylady
Vıtse-mınıstr óz sózinde Aýyl sharýashylyǵy mınıstrligi oblys ákimdikterimen, Densaýlyq saqtaý jáne áleýmettik damý mınıstrligimen birlesip, úshjaqty jospar jasaǵandyǵyn atap ótti. Atalǵan jospar aǵymdaǵy jyldyń sońyna deıin júzege asyrylýy tıis naqty mindetter men ındıkatorlardy aıqyndaıdy.
«Qol qoıylǵan josparǵa sáıkes aǵymdaǵy jyldyń sońyna deıin ákimdikter 100 sút qabyldaıtyn pýnkt pen 2 myńnan astam otbasylyq bordaqylaý alańyn biriktiretin 150 aýyl sharýashylyǵy kooperatıvin quratyn bolady. 2016 jyldyń 15 qazanyndaǵy jaǵdaıǵa sáıkes 28 sút qabyldaıtyn pýnkt pen 3,2 myń otbasylyq bordaqylaý alańy quryldy. Nátıjesinde 15 myń jeke qosalqy sharýashylyq tartyldy», - dedi Aıtýǵanov.
Sonymen qatar onyń sózine qaraǵanda, osy aıdyń basynan beri mınıstrlik aýyl okrýgteri ákimderi men aýdan ákimderiniń orynbasarlaryna arnaıy semınarlar ótkizgen. Qazirgi ýaqytta semınarlar Qaraǵandy, Shyǵys Qazaqstan, Jambyl, Almaty, Pavlodar oblystarynda júrgizilip, jergilikti atqarýshy organnyń 966 qyzmetkeri daıyndyqtan ótti.
«15 qarashaǵa deıin búkil respýblıka boıyna 2400 aýyl okrýgi ákimi men aýdan ákimderiniń orynbasarlaryn oqytý aıaqtalady», - dedi ol.