Jyl saıyn respýblıkada 19 myńǵa jýyq órt bolady
ASTANA. 22 sáýir. QazAqparat /Marlan Jıembaı/ - Jyl saıyn respýblıkada 19 myńǵa jýyq órt oqıǵasy bolady.
Bul týraly búgin elordada QR TJM resmı ókili Lıýbov Shaposhnıkova málim etti.
Onyń atap ótýinshe, jyl saıyn respýblıkada 19 myńǵa jýyq órt oryn alsa, onyń 6 myńǵa jýyǵy nemese 42 paıyzy aýyldyq jerlerge tıesili. Máselen, 2010 jyly 600-ge jýyq dala órti tirkelip, órtke oranǵan aýmaqtyń jalpy kólemi 140 myńnan astam gektardy quraǵan. Keltirilgen zalal mólsheri 47 myń teńgeden asyp, tótenshe oqıǵa saldarynan 1 adam qaza taýyp, 2 adam jaraqat alǵan.
«Sonymen qatar ótken jyly ormandy alqaptarda 600-den astam órt boldy. Órtengen jerdiń jalpy aýmaǵy 11 700 gektardy qurap, keltirilgen shaǵyn 300 mln-nan asty», - dedi QR TJM resmı ókili Lıýbov Shaposhnıkova.
Onyń aıtýynsha, ótken jyly Aqmolada 164, Soltústik Qazaqstanda 121, Pavlodarda 113, Shyǵys Qazaqstanda 95 orman órti tirkelgen. Al eń kóp dala órti Aqtóbe (300), Qaraǵandy (108), Shyǵys Qazaqstan (83) oblystarynda oryn alǵan.
