Jyl saıyn orta eseppen 18 myńnan astam tótenshe jaǵdaı tirkeledi -mınıstrlik
Mınıstrliktiń qyzmetinde tótenshe jaǵdaılardyń aldyn alý jáne olardy joıý jónindegi jumys erekshe mańyzdy bolyp tabylady. Quramyna órt sóndirýshiler, qutqarýshylar, kınologtar, dárigerler, psıhologtar, ushqyshtar kiretin qyzmetkerler tótenshe jaǵdaılardy joıady, órtterdi sóndiredi, adamdar men múlikti qutqarady.
TJ qyzmetteriniń jumys istegen jyldary (1995-2020 jyldar aralyǵynda) tótenshe jaǵdaılar men órtti sóndirý kezinde 1 mln 353 myńnan astam adam qaýipsiz jerge shyǵaryldy. Olardyń qyzmeti, kásibıligi men jedeldiginiń arqasynda 374 myńnan astam adam qutqaryldy, 334 myńnan astam TJ aımaǵynan evakýatsııalandy, 55 myńnan astam zardap shekkenderge medıtsınalyq kómek kórsetildi.
Jyl saıyn orta eseppen 18 myńnan astam tabıǵı jáne tehnogendik sıpattaǵy tótenshe jaǵdaı tirkeledi, onyń ishinde 15 myń órt bolady. TJ aımaǵynan qutqarýshylar 8 myń azamatty qutqarady, 20 myńnan astam adamdy evakýatsııalaıdy, 4,5 myń zardap shekkenderge medıtsınalyq kómek kórsetiledi.
2020 jyldyń basynan bastap qutqarý bólimsheleri órtterge jáne avarııalyq-qutqarý jumystaryna 53 myń shyǵýdy júzege asyrdy, 11 myń adam qutqaryldy, TJ aımaǵynan 14 myńǵa jýyq adam evakýatsııalandy, 3 myń zardap shegýshige alǵashqy medıtsınalyq kómek kórsetildi.
Eske salsaq, búgin qazaqstandyqtar Qutraýshylar kúnin atap ótýde.