Jyl saıyn ondaǵan mıllıon adam ekologııalyq bosqynǵa aınalady

NUR-SULTAN. QazAqparat – Jer silkinisteri, daýyldar, qurǵaqshylyq, sý tasqyny jáne basqa da tabıǵı apattar adamdar shyǵyny men zardaptarǵa ǵana ákelip qana qoımaı, bosqyndardyń jappaı aǵynyn týdyrady. Tek 2020 jyldyń ózinde tabıǵı apattardyń saldarynan 30 mıllıonnan astam adam bosqynǵa aınaldy, dep habarlaıdy QazAqparat.BUU jańalyqtary saıtyna silteme jasap.

Sarapshylar klımatqa baılanysty ekstremaldy oqıǵalar jıilep, olardyń zardaptary joıqyn bolyp bara jatqanyn eskertti. Bul ásirese shaǵyn aral memleketteri men baıyrǵy halyqtar arasynda ekologııalyq bosqyndardyń sany da artady degen sóz.

Kezdesýge qatysýshylar tabıǵı apattardyń aýyr zardaptaryn jeńildetý joldaryn, sondaı-aq zardap shekkenderge baspana berý tetikterin talqylady. Tynyq muhıty aımaǵyndaǵy keıbir araldar memleketteri arasynda apattarǵa qarsy erkin qozǵalys týraly kelisimder bar.

Kezdesýde memlekettik organdarǵa tabıǵı apattardyń saldarynan týǵan jerlerinen ketýge májbúr bolǵan adamdardyń problemalaryn jaqsy túsinýge jáne olarǵa kómek kórsetýge kómektesetin «sózden iske» nusqaýlyǵy usynyldy.