Jyl saıyn Qazaqstanǵa eki mıllıonnan astam sheteldik saparmen keledi
ASTANA. QazAqparat - Jyl saıyn Qazaqstanǵa eki mıllıonnan astam sheteldik saparmen keledi. Bul týraly búgin Ortalyq kommýnıkatsııalar qyzmetindegi baspasóz máslıhatynda Qazaqstannyń týrındýstrııa ulttyq odaǵy tóraıymy Inna Reı málim etti.
«Jalpy, Qazaqstanǵa jyl saıyn saparmen keletin adamdardyń sany 2 mıllıonnan asady. Sonyń ishinde týrıstik kompanııalardyń kútip alatyndary 100 myńǵa jýyq. ıAǵnı, osy adamdar demalý úshin, kórý jáne jańa nysandarmen tanysý maqsatynda elimizge saparlaıdy. Bul týrıster bizdiń ulttyq dástúrimizdi óte jaqsy kóredi»,-dedi I. Reı.
Onyń sózine qaraǵanda, qazirgi kezde Qazaqstannyń týrıstik kompanııalary ózderiniń qyzmet kórsetý tizimin jetildirýde. Onyń aıasynda kompanııalar týrısterdiń qyzyǵýshylyǵyn arttyrý úshin ulttyq salt-dástúrdi keńinen tanystyryp, ulttyq taǵamdardy usynady.
«Bul óz kezeginde tıisti nátıjeler berip otyr. Osy rette elimizge saıahat barysynda meımandar da jaqsy áser alatynyn baıqap júrmiz. Sonymen qatar biz de sheteldik qonaqtarǵa ne unaıtyndyǵyn jaqsy túsine bastadyq»,-dedi I. Reı.
