Jyl saıyn Qazaqstanǵa 15 mıllıard AQSh dollaryna jýyq mashına jasaý ónimderi ımporttalady

qpannyń 19-y. QazAqparat /Rýslan Ǵabbasov/ - Qazaqstanǵa jalpy ımporttalatyn ónimniń 44 paıyzǵa jýyǵy mashına jasaý ónimderi. Bul týraly búgin Astanada Údemeli ındýstrııaldyq-ınnovatsııalyq damý memlekettik baǵdarlamasyn iske asyrý boıynsha ótken semınar-keńeste Indýstrııa jáne saýda vıtse-mınıstri Nurbek Raev aıtty,

dep habarlaıdy QazAqparat.

«Mashına jasaý basymdyqty sala retinde engizilip otyr. Búginde Qazaqstanǵa jalpy ımporttalatyn ónimniń 44 paıyzǵa jýyǵy mashına jasaý salasynyń ónimderi. Qarjylaı eseptegende bul jyl saıyn 15 mıllıardqa tarta AQSh dollary somasyn quraıdy»,-dedi ol.

Onyń aıtýynsha, mashına qurylysy salasyn damytý boıynsha tórt sektordy kúsheıtý qarastyrylyp otyr. Olar aýyl sharýashylyǵy mashına qurylysy, kóliktik, energetıkalyq, sondaı-aq munaı-gaz sektoryndaǵy mashına jasaý baǵyttary.

«Aýyl sharýashylyǵy mashına jasaý boıynsha qazirgi kezde Aýyl sharýashylyǵy mınıstrligimen traktorlar, kombaındar, egis tehnıkalary turǵysynda satyp alýdy biriktirý úshin, strategııalyq áriptesterdi tańdaý úshin, jumystar júrgizilýde. Sonymen birge mundaı sharalar basqa da sektorlarda iske asyrylýda», - dedi vıtse-mınıstr.