Jyl saıyn Qazaqstanda vaktsınalaýǵa 20 mlrd. teńgege jýyq qarajat bólinedi - A.Tsoı
«Qazaqstanda Ulttyq egý kúntizbesine saı halyqty 21 juqpaly aýrýlarǵa qarsy tegin vaktsınalaý júrgizilýde. Bizdiń Ulttyq egý kúntizbemiz Dúnıejúzilik densaýlyq saqtaý uıymynyń usynymdary men kóptegen damyǵan elderdiń, atap aıtqanda, Avstrııa, Izraıl, Belgııa, Germanııa, Túrkııa, Japonııanyń ımmýndaý kestesine saı. Jyl saıyn Qazaqstanda vaktsınalaýǵa 20 mlrd. teńgege jýyq qarajat bólinedi», - dedi vıtse-mınıstr.
A.Tsoıdyń atap ótýinshe, respýblıkadaǵy ımýndaýǵa negizdelgen barlyq vaktsınalar DDSU men ıÝNISEF usynǵan, sertıfıkattalǵan, brendtelgen vaktsınalar shyǵaratyn óndirýshi-zaýyttardan satyp alynady. Barlyq vaktsınalar jappaı qoldanýǵa deıin memlekettik tirkeýden ótip, emhanaǵa deıingi jáne emhanalyq synaqtan ótkiziledi. Profılaktıkalyq egý júrgizýdiń aldynda egiletin adam mindetti túrde dárigerdiń tekserýinen ótedi.
«Halyqaralyq málimetterge sáıkes, vaktsınalaý múgedektikke shaldyǵýǵa sebepker bolmaıdy. DDSU málimetinshe, entsefalıt túrindegi qyzylsha vaktsınasyn engizý kezinde mundaı jaǵdaı bolýy múmkin. Ol vaktsınalanǵan 1 mln. adamǵa shaqqanda 1 jaǵdaı ǵana tirkeledi. Al qyzylshamen syrqattanǵan 100 jaǵdaıdyń 38-inde (38%) ókpeniń zaqymdanýy bastalady, 100 jaǵdaıdyń 10-da (10%) aýyrǵan adamdar qaıtys bolady», - dedi ol.
Onyń sózine qaraǵanda, egý protsesinde boljamdy jáne allergııalyq reaktsııa týyndaýy múmkin. Boljamdy reaktsııa dene qyzýynyń kóterilýi, álsizdik, ózin-ózi jaısyz seziný túrinde bolady. Bul sımptomdar ózdiginen joıylýy múmkin, degenmen, medıtsınalyq qyzmetkerge qaralǵan oryndy.
Jeke reaktsııanyń paıda bolýyna konstıtýtsııalyq, genetıkalyq faktorlar, aldyńǵy aýrý saldarynan týyndaǵan aǵzanyń qarsy turý múmkindiginiń tómendeýi, tamaqtaný tártibiniń buzylýy, vaktsınanyń áserine aǵzanyń ózindik joǵary sezimtaldyǵy, sonymen birge, ımýnnıtet tapshylyǵy jaǵdaıynyń birinshi jáne ekinshi kórinisimen áser etýi múmkin», - dedi A.Tsoı.