Jyl saıyn Qazaqstanda urlanǵan telefondardyń tek 2,5 myńy ıelerine qaıtarylýda

ASTANA. QazAqparat - Bıyldyń sáýirinde Bas prokýratýranyń bastamasy boıynsha Іshki ister mınstrligi aýmaqtyq bólimsheleri men uıaly baılanys operatorlarynyń urlanǵan mobıldi uıaly abonenttik quraldardy buǵattaý jónindegi ózara is-qımyly týraly Memorandýmyna qol qoıyldy.

«Atalǵan qujatty ázirleýge jáne qabyldaýǵa uıaly telefondardyń urlanýyna baılanysty qalyptasqan ahýal negiz boldy. Jyl saıyn Qazaqstanda 60 myńǵa jýyq uıaly baılanys quraly urlanady, olardyń ishinen ishki ister organdary shamamen 2,5 myńyn anyqtaı jáne zańdy ıelerine qaıtara alady»,-dep habarlaıdy QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń baspasóz qyzmeti.

Oǵan qosa «Baılanys týraly» Zańǵa, sondaı-aq Uıaly baılanys qyzmetin kórsetý qaǵıdalaryna sáıkes, abonenttik quraldardyń jumysyn ІMEІ-kody boıynsha toqtatýdy uıaly baılanys operatorlary abonent tıisti ótinishpen júgingen jaǵdaıda ǵana iske asyrady. Alaıda, kóbinese bulaı bolmaıdy, kóptegen adamdar bul mehanızm jaıly bilmeıdi, al basqalary ýaqyttyń joqtyǵynan nemese ózge de sebepter boıynsha ótinish bergisi kelmeıdi.

Endigi ýaqytta, qol jetkizilgen kelisim boıynsha ishki ister organdary uıaly quraldary joǵalǵan jábirlenýshilerge uıaly baılanys operatorlarynyń mekenjaıyna uıaly telefonnyń jumysyn ІMEІ-kody arqyly toqtatý - buǵattaý týraly ótinishpen júginýleri qajettigin túsindirýi qajet.

«Uıaly baılanys quraldarynyń jumysyn ІMEІ-kody boıynsha toqtatý tájirıbesin keńinen qoldaný úshin, ishki ister organdary arqyly uıaly baılanys operatorlarynyń mekenjaıyna ótinishpen júginý qajettigi týraly habarlaımyz»,-deıdi komıtet ókilderi.