Jyl saıyn Qazaqstanda óńdelmegen 3 mln mal terisi dalaǵa tastalady
«Otandyq mal sharýashylyǵynda jyl saıyn ári ketkende shıki teriniń 10-20 paıyzy ótkiziledi. Al iri qara maldyń óńdelmegen 2,5-3 mln terisi dalaǵa tastalyp, aýyldardyń shetterinde shirip jatyr. Ashyq málimetter boıynsha, sharýalardyń shyǵyndary 14 mlrd teńgeni qurap otyr. Sonymen qatar, osydan sanıtarlyq-epıdemılogııalyq problemalar da týyndaıdy. 5-6 jyl buryn aýyl turǵyndary eksporttyq tıimdiligi bar bylǵary shıkizatynan tabys alatyn edi. Alaıda 2016,2017 jáne 2019 jyldary bylǵary kásiporyndaryn qoldaý úshin teri eksportyna shekteý engizildi», - dedi ıÝ. Jýlın.
Osy oraıda ol atalǵan shekteý eleýli nátıje bermegenin, qazirgi kezde kásiporyndardyń júktemesi de tıisti deńgeıde emes ekenin atap ótti,
«Bul turǵyda atalǵan shekteý mal terisin daıarlaý salasyn múldem quldyratyp jiberdi. Teriniń tym kóp bolýy shıkizattyń baǵasyn túsirip jiberdi. Kóp óńirde mal terisin jınaý júrgizilmeıdi, óıtkeni tıimsiz bolyp tur. Bul sala negizinen aýyldaǵy shaǵyn bıznesti órkendetýge septigin tıgizer edi. Árıne, bylǵary óńdeý salasyn qoldaý kerek, biraq ony sharýalardyń esebinen iske asyrmaǵany abzal. Alaıda Úkimet shekteýdi alyp tastap, ony eksporttyq baj salyǵyna aýystyrdy – tonnasyna 200 eýro. Bul taǵy da fermerler úshin tusaý bolyp tur», - dedi depýtat.
Onyń sózine qaraǵanda, shıki bylǵaryna daıarlaý máselesi Aýyl sharýashylyǵy men Indýstrııa jáne ınfraqurylymdyq damý mınıstrlikterine qatysty.
«Nátıjesinde, elde shıkizat kólemi artyp jatqanymen, kásiporyndar laıyqty deńgeıde júktelmegen, al bylǵarynyń sheteldik naryqtary ıgerilmeı jatyr. Bizdiń kórshimiz Qytaı eli terini AQSh pen Aýstralııadan ımporttaıdy. Al bizdiń sharýalar mal terisin laqtyryp, qosymsha tabysynan aıyrylyp otyr», - dedi ol.
Osy oraıda ol bylǵary óńdeý baǵytyn Aýyl sharýashylyǵy mınıstrligine ǵana berýdi surady. Sonymen qatar óńdelmegen terige eksporttyq baj salyǵyn alyp tastaýdy usyndy.
«Óńirlerde servıstik-daıarlaý oryndaryn ashý máselesin sheship, aýyl turǵyndaryn maldaryn et kombınattaryna ótkizýdi yntalandyrý boıynsha sharalar qabyldaý kerek. Bul óz kezeginde sapaly bylǵary shıkizatyn alý úshin terini kásibı daıarlaý men suryptaý júıesin qurýǵa múmkindik beredi», - dedi ıÝrıı Jýlın.
