Jyl saıyn Qazaqstanda obyrdan 27 myń adam kóz jumady
ASTANA. QazAqparat - Jyl saıyn Qazaqstanda obyrdan 27 myń adam kóz jumady. Bul týraly búgin Úkimet otyrysynda «Ulttyq ǵylymı medıtsınalyq ortalyq» AQ basshysy Abaı Baıgenjın málim etti, dep habarlaıdy QazAqparat.
«Ózimizdiń jetistikterimizdi atap ótken kezde, biz aldymyzda turǵan mańyzdy mindetterdi de umyt qaldyrǵan emespiz. Qazirgi ýaqytta onkologııa syndy qaýip-qaterler qaýipke aınaldy, jylyna Qazaqstanda 27 myń adam osy dertten qaza bolady. Búgingi tańda onkologııalyq tizimde 160 myńnan astam adam tirkelgen», - dedi ol.
Onyń sózine qaraǵanda, jyl saıyn 34 myńnan astam adamda obyr derti tabylyp jatady.
«Biz mindetti áleýmettik medıtsınalyq saqtandyrýǵa óte úlken úmit artyp otyrmyz. Ol arqyly halyqqa sapaly medıtsınalyq qyzmet kórsetý edáýir artady», - dep atap ótti ortalyq basshysy.
