Jyl saıyn Qazaqstanda mamandyǵy joq 21 myń adam jumysqa ornalasady
ASTANA. QazAqparat - Jyl saıyn Qazaqstanda 21 myń adam mamandyqsyz-aq jumysqa ornalasady. Bul týraly búgin OKQ ótken baspasóz máslıhatynda QR Bilim jáne ǵylym vıtse-mınıstri Bıbigúl Asylova málim etti, dep habarlaıdy QazAqparat.
«Biz sońǵy 3 jylda mektep bitirgen túlekterdiń úlesin taldap kórdik. Osy aralyqta 9 synyptan keıin túlegen oqýshylar sany 220 myń bolsa, 135 myń túlek mektepte qalady, olar joǵary oqý oryndaryna túsýge nıettenedi. 85 myń adam kolledjderge 9 synyptan keıin, 33 myń adam 11 synyptan keıin barady. Óz kezeginde 21 myń adam jyl saıyn mamandyqsyz jumysqa ornalasady», - dep atap ótti vıtse-mınıstr.
Onyń málimetteri boıynsha, Qazaqstanda 807 kolledj bar. Onda 499 myń adam oqyp jatyr. Olardyń ishinde 98 myń stýdent - jumysshy mamandyqtary boıynsha bilim alýda. Bul shamamen stýdentterdiń tek 20 paıyzy. 242 stýdent memlekettik tapsyryspen mamandyq alyp jatsa, aqyly negizde 257 adam oqytylýda.
