Jyl saıyn Qazaqstanda eki myńnan astam jemqorlyq isi qozǵalady
Bul týraly atalǵan agenttik tóraǵasynyń birinshi orynbasary Oljas Bektenov málim etti, dep habarlaıdy QazAqparat tilshisi.
«Sybaılas jemqorlyqqa qarsy kúres qyzmeti jyl saıyn eki myńnan astam qylmystyq isti qozǵap, tergeý amaldaryn júrgizidedi. Jemqorlyq úshin shamamen 1 200-ge tarta adam qylmystyq jaýapqa tartylady», - O. Bektenov Ortalyq kommýnıkatsııalar qyzmetinde tilshiler saýalyna jaýap bere otyryp.
Osy oraıda ol atalǵan qyzmettiń jumysyna óziniń baǵasyn berdi.
«Bul turǵyda sybaılas jemqorlyqqa qarsy kúres qyzmeti aıtarlyqtaı tıimdi jumys júrgizip jatyr dep oılaımyn», - dedi Oljas Bektenov.
Budan buryn habarlanǵandaı, Qazaqstan Eýropa keńesiniń Sybaılas jemqorlyqqa qarsy memleketter toby (GREKO) bastamasyna qosyldy.
Sonymen qatar, O. Bektenov sybaılas jemqorlyqqa qarsy kúres qyzmeti búginde 65 qylmyskerdi izdestirip jatqanyn, olardyń 33-i shetelde jasyrynyp júrgenin aıtty.
