Jyl saıyn Qazaqstanda 75 myń júrekke operatsııa jasalady

ASTANA. QazAqparat - Qazaqstan Respýblıkasynda jyl saıyn 75 myńnan asa kardıohırýrgııalyq operatsııalar jasaıdy. Bul týraly búgin Ortalyq kommýnıkatsııalar qyzmetinde «Otandyq densaýlyq saqtaý salasynyń úzdik dástúrleri - medıtsına qyzmetkerleri eren eńbeginiń jemisi» taqyrybynda ótken brıfıngte QR Densaýlyq saqtaý jáne áleýmettik damý Vıtse-mınıstri Alekseı Tsoı málim etti.

«Jyl saıyn respýblıkada 75 myńnan astam kardıohırýrgııalyq operatsııalar jasalady. Insýlttyń asqynýynan ólim-jitim men múgedektikti azaıtý úshin 40 ınsýlt ortalyǵy ashyldy. Sonyń arqasynda, mıyna qan shaýyp, qan aınalymy buzylǵannan bolatyn ólim-jitim sany bes jylda eki esege azaıdy», - dep habarlady A.Tsoı.

Onyń aıtýynsha, sońǵy  5 jylda júrek, ókpe, baýyr, uıqy bezin aýystyrý boıynsha 700-den astam operatsııa jasalǵan.