Jyl saıyn Qazaqstan ekonomıkasy eńbek mıgranttarynyń esebinen 1,1 mlrd. teńge tabys alady
«BUU-nyń Azııa jáne Tynyq muxıty óńirlerine arnalǵan Ekonomıkalyq jáne áleýmettik Komıssııasynyń (ESKATO) málimetine sáıkes, jyl saıyn Qazaqstan ekonomıkasy eńbek mıgranttarynyń esebinen kem degende JІÓ-niń 0,57 paıyzyn nemese 1,1 mlrd. AQSh dollaryn alady»,-dep toqtaldy bas memlekettik eńbek ınspektory «Kóshi-qonnyń áleýmettik-ekonomıkalyq áserleri: mıgranttardyń qorǵansyzdyǵy jáne Ortalyq Azııadaǵy ıntegratsııalyq qajettilikter» atty dóńgelek ústelde.
Onyń sózine qaraǵanda, eńbek mıgranttary elde baspanaǵa, densaýlyq saqtaý salasy qyzmetine jáne kommertsııalyq qyzmetterdiń keń aýqymyna suranys týdyrady.
«Degenmen de, tájirıbe kórsetip otyrǵandaı, qoldanystaǵy rásimder jumys berýshiler men mıgranttarǵa árdaıym tartymdy bola bermeıdi. Osydan tirkelmegen eńbek kóshi-qony, ekonomıkanyń kóleńkeli sektorynyń keńeıýi, ishki eńbek naryǵynyń buzylýy, salyqtyń bıýdjetke tıisti deńgeıde túspeýi sekildi memleket úshin kúrdeli ári qolaısyz saldar oryn alady»,-dedi ol.
A. Sarbasov sonymen qatar bul turǵyda tirkelmegen mıgranttar quqyǵynyń qorǵalmaýy sekildi máseleler de týyndaıtynyn sóz etti.
