Jyl saıyn kásiporyndarda ónerkásiptik jaraqattan shamamen 200 adam kóz jumady – Altaı Kólginov

ASTANA. QazAqparat – Jyl saıyn elimizdegi kásiporyndarda 2 myń adam jaraqat alady. Bul týraly elordada ótip jatqan KIOSH 2023 Halyqaralyq konferentsııasyna qatysqan Premer-Mınıstrdiń orynbasary Altaı Kólginov málim etti, dep habarlaıdy QazAqparat tilshisi.

«Qazaqstandaǵy kásiporyndarda ónerkásiptik jaraqattaný kórsetkishi joǵary. Jyl saıyn 2 myń adam jaraqat alady. Onyń ishinde shamamen 200 adam kóz jumady. Máselen, «VostokTsvetMet» JShS-de ónerkásiptik jaraqattaný 3 ese ósti. Atap aıtqanda, 3 adamnan byltyr 18 adamǵa deıin joǵarylady. Byltyr «Kaztsınk» kompanııasynda jaraqat alý deńgeıi 2 ese artty. ıAǵnı, 15 adamnan 35 adamǵa deıin. Ótken jyly «ArselorMıttal Temırtaý» AQ-da ólimge ákelip soqqan jaraqattaný deńgeıi 44%-ǵa ósken», - dep toqtaldy Altaı Kólginov.

Sonymen qatar ol jumys berýshiler tarapynan ónerkásiptik qaýipsizdik erejelerin saqtaýǵa jáne ony azaıtýǵa yqpal etetin jaǵdaı jasaýǵa jetkilikti kóńil bólinbeıtinin aıtty.