Jyl saıyn kamera kómegimen 1,5 mln-ǵa jýyq jol erejesin buzý anyqtalady
«Jol júrisi qatysýshylarynyń tártibin kúsheıtýge Jol júrisi erejeleriniń buzylýyn avtomatty túrde tirkeýdi engizý septigin tıgizip otyr. Qazir elimizde shamamen 11 myń kamera ornatylǵan. Olar ózderiniń tıimdiligin kórsetti. Respýblıka boıynsha jyl saıyn baqylaýǵa arnalǵan tehnıkalyq quraldardyń kómegimen Jol júrisi erejesiniń 1,5 mln-ǵa jýyq buzylýy anyqtalady. Bul jalpy Jol júrisi erejeleri buzylýynyń anyqtalǵan faktileriniń shamamen 40 paıyzyn quraıdy. Atalǵan júıe barlyq oblys ortalyqtary men qalalarda qoldanylady», - dedi ol Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, ishki ister organdary jol ınfraqurylymynyń jaı-kúıine de baqylaýdy júzege asyrady. Jyl basynan beri jol-tehnıkalyq ınspektsııasy bólimsheleriniń kómegimen 388 shaqyrymnan astam jolǵa 20 myńnan astam tekserý júrgizildi. Nátıjesinde jol júrisi qaýipsizdigine teris áseri bar jol-kólik ınfraqurylymyndaǵy 39,5 myń kemshilikti anyqtady. Atalǵan kemshilikterdi joıý boıynsha 19 myńnan astam uıǵarym shyǵaryp, joldy kútip ustaýǵa jaýapty 2,5 myńǵa jýyq laýazymdy tulǵaǵa aıyppul saldy.
Atalǵan baspasóz máslıhaty barysynda ol elimizde 2020 jyldyń 9 aıynda 8 933 jol-kólik apaty oryn alyp, saldarynan 1 265 adam qaza tapqanyn , 11 780 adam jaraqat alǵanyn aıtqan edi.