Jyl saıyn ıpotekalyq nesıe aınalymy jańa deńgeıge kóterilýde - Qazkommertsbanktiń atqarýshy dırektory
ALMATY. 4 qyrkúıek. QazAqparat - Ipoteka naryǵy qaıta jandanýda. Ony Qazkommertsbanktiń atqarýshy dırektory Andreı Tımchenko búgin Almatyda alǵashqy jartyjyldyqtyń qorytyndysy boıynsha ótken baspasóz máslıhaty kezinde aıtty.
«Jyl saıyn ıpotekalyq nesıe aınalymy jańa deńgeıge kóterilýde. Alaıda ondaǵy ahýaldy daǵdarysqa deıingi ósimmen salystyrýǵa bolmaıdy. Qazir ıpotekalyq nesıeler aı saıyn 35-45 paıyz aralyǵynda ósýde. Aıyna 20 mıllıon teńgege deıin ıpotekalyq nesıe beremiz», - deıdi A. Tıchenko. Onyń aıtýynsha, bul jaman emes. Óıtkeni 2-3 jyl buryn olar aıyna 2-3 mıllıon teńgeniń ǵana ıpotekalyq nesıesin beretin.
