Jyl saıyn Grýzııaǵa 40 myńnan astam qazaqstandyq saparlaıdy
«Qazaqstan azamattary týrızm jaǵynan alǵanda Tbılısı men barsha Grýzııany unatyp otyr. Atap aıtqanda, bul el bizden alys emes, tildik faktor joq ári olardy túsiný ońaı. Bir sózben aıtqanda, Grýzııa kópshilikke unaıdy. ıAǵnı demalys turǵysynda Túrkııa nemese onyń arǵy jaǵyndaǵy memlekettermen salystyrǵanda arzanyraq. Ótken jyly Grýzııaǵa 35-45 myń qazaqstandyq bardy. 2013 jyly bul kórsetkish aıtarlyqtaı tómen edi. Qazirgi kezde áýe reısteri artqandyqtan, qazaqstandyqtar bul eldi keńinen tanyp jatyr. Tbılısıden Astanaǵa saparlaǵan kezde, barlyq reıster tolyq bolǵanyna bir qýanyp qalasyń. Grýzınder Astanaǵa saparlaǵandy jaqsy kóredi jáne únemi elordanyń sáýletine tańdanyp júredi. Árıne, eki eldi salystyrǵanda, satyp alý qabilettigi men jan basyna shaqqandaǵy JІÓ boıynsha múmkindikter ártúrli», - dedi ol QR Syrtqy ister mınıstrligindegi baspasóz máslıhatynda.
E.Ertisbaevtyń sózine qaraǵanda, jyl saıyn Grýzııaǵa 6 mln týrıst barady.
Aıta keteıik, Qazaqstan men Grýzııa arasyndaǵy taýar aınalymy 2016 jyly 62,1 mln AQSh dollaryn qurap, bul kórsetkish 2015 jylǵa qaraǵanda 8 paıyzǵa kem boldy. Elimizden negizinen munaı jáne munaı ónimderi, makron ónimderi eksporttalady, al Grýzııadan jańǵaq, mıneraldy sý, sharap tasymaldanady.