Jyl saıyn elimizde 2500-4000 bala týabitti aýrýlarmen dúnıege keledi

ASTANA. QazAqparat – Elimizde jyl saıyn orta eseppen 2500 - 4000 náreste túrli týabitken derttermen dúnıege keledi. Mundaı derekter Ashyq NQA portalynda jarııalaǵan 2030 jylǵa deıin ana men bala densaýlyǵyn saqtaý qyzmetin damytý tujyrymdamasynda keltirilgen, dep habarlaıdy QazAqparat tilshisi.

«Qazaqstanda jylyna ortasha eseppen 2500 - 4 000 jańa týǵan náreste ártúrli týa bitken aýytqýlarymen jáne damý kemshilikterimen dúnıege keledi. 2500-ge jýyq náreste jańa týǵan kezeńde hırýrgııalyq kómekti qajet etedi. Respýblıka boıynsha hırýrgııalyq kómek kórsetilgen náresteler sany 11,6%-ǵa ulǵaıdy, bul rette shuǵyl operatsııalardyń úlesi - 61,1%. Jyl saıyn shamamen 3 845 sábıdiń júregine ota jasaý qajet bolady», - delingen tujyrymdamada.

Qosa ketsek, Densaýlyq saqtaý mınıstrligi aldaǵy 7 jylǵa arnalǵan Ana men bala densaýlyǵyn saqtaý qyzmetin damytý tujyrymdamasyn ázirlep, qujatty ashyq talqylaýǵa shyǵardy.