Jyl saıyn elimizde 1 myńǵa jýyǵy ata-ana quqyǵynan aıyrylady
NUR-SULTAN. QazAqparat – QR ІІM ıÝvenaldyq polıtsııa jáne áıelderdi zorlyq-zombylyqtan qorǵaý basqarmasy basshysynyń orynbasary Vadım ıAtsenko bala tárbıesinde ata-ana mindetin oryndamaǵandar týraly aıtty, dep habarlaıdy QazAqparat.
«Polıtsııa ótinishhaty boıynsha sottar jyl saıyn ózderiniń balalaryn tárbıeleýge qatysty mindetterin oryndamaǵany úshin bes myńnan astam ata-anany ákimshilik jaýapqa tartady. Bir myńǵa jýyǵy ata-ana quqyǵynan aıyrylady. Osy arqyly biz jasandy túrde elimizde áleýmettik jetimdik deńgeıin kóterýdemiz», - dep toqtaldy V. ıAtsenko Parlament Májilisinde balalar quqyǵyn qorǵaýǵa arnalǵan otyrys barysynda.
Osy oraıda ol balada laıyqty tárbıeniń bolmaýyna jáne olarǵa qatysty zorlyq-zombylyqtyń oryn alýyna kóbine áleýmettik-turmystyq sıpattaǵy otbasylyq problemalar sebepshi ekenin atap ótti. Jumyspen qamtýdaǵy, turmystyq problemalardy sheshýdegi, medıtsınalyq-psıhologııalyq qoldaýdaǵy keshendi kómekti ýaqytyly iske asyrý - táýekel tobyndaǵy kámeletke tolmaǵandar men qıyn jaǵdaıdaǵy otbasylardy tıimdi ońaltýǵa yqpal etedi.
Sonymen qatar, V. ıAtsenko balalardyń problemasymen aınalysatyn polıtsııa men basqa da vedomstvolardyń jaýapkershilik aımaǵy bólinip, jiktelgenin jetkizdi. Psıhologııalyq, medıtsınalyq, áleýmettik kómek kórsetý úshin esepke alýdyń jańa júıesin barlyq deńgeıdegi jergilikti atqarýshy organdar júrgizedi.
«Polıtsııanyń aýmaqtyq organdary ákimdikterge vedomstvolyq esepte turǵan kámeletke tolmaǵandardyń, sondaı-aq turmysy tómen otbasylardyń tizimin jiberdi. Búginde polıtsııa organdarynda turmysy tómen 8 myńnan astam otbasy, kámeletke tolmaǵan 6 myńnan astamy profılaktıkalyq esepte tur», - dedi ol.
