Jyl saıyn aýrýhanalarda 713 myńnan astam syrqatqa ota jasalady - QR DSM
ASTANA. 21 qańtar. QazAqparat - Bir jyldyń ishinde elimizdegi statsıonarlar arqyly 2 mln. 700 myńnan astam adam ótedi.
Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Densaýlyq saqtaý vıtse-mınıstri Erik Baıjúnisov aıtty.
Densaýlyq saqtaý júıesinde keıbir málimetterdiń qorytyndysyna toqtalǵan vıtse-mınıstr, «Bir jyldyń ishinde elimizdegi statsıonarlar arqyly 2 mln. 700 myńnan astam adam ótedi, ıaǵnı bular - bizdiń statsıonarlarda em qabyldaıtyndar. Kún saıyn bizde statsıonarda 7 myń 540 adam em alady»,-dedi.
Onyń sózine qaraǵanda, jyl saıyn aýrýhanalarda 713 myńnan astam aýrýǵa ota jasalady eken. «Bul bir jylda jasalatyn otalar. Kún saıyn bizdiń statsıonarlarda 1 850 ota jasalady. ıAǵnı, aptanyń demalys jáne mereke kúnderine qaramastan operatsııalar ótkiziledi»,-dedi E. Baıjúnisov.
