Jyl saıyn aýanyń lastanýynan 5,5 mln adam kóz jumady
ASTANA. QazAqparat - Jyl saıyn aýanyń lastanýynan shamamen 5,5 mıllıon adam kóz jumady. Bul týraly Amerıkanyń Ǵylymdy ilgeriletý jónindegi qaýymdastyǵynyń jıynynda jarııalanǵan esepte aıtyldy.
Zaýyt, kólik, elektrstansalary jáne kómir jaǵýdan bólingen ýly shań-tozań júrek aýrýyna jáne ókpe obyryna shaldyqtyrady.
Aýanyń lastanýy saldarynan qurban bolǵandar tamaqtaný, esirtki qoldaný taǵy da basqa da qaterlerden kóz jumǵandardan kóp. Bul zertteý barysynda anyqtalǵan.
Aýanyń lastanýynyń qurbandarynyń teń jartysyna jýyǵy Qytaı men Úndistanda tirkelgen.
Vashıngtonda óz zertteýlerin jarııa etken ǵalymdar Qytaı men Úndistanǵa aýaǵa ýly zattardy taratpaý úshin jańa tehnologııalardy paıdalanýǵa shaqyrdy.
