Jyl saıyn astyq sapasy tómendep keledi - AShM
«Kóktem kesh kelgenimen, egis alqaptaryndaǵy jumys qarqyny ótken jyldyń deńgeıine jetti», - dep toqtaldy ol.
Sonymen qatar birinshi vıtse-mınıstr egistik alqaptaryn ártaraptandyrý júrgizilýde, osy oraıda 2021 jylǵa deıin mınıstrlikter men ákimdikter arasynda memorandýmdar bekitilgenin atap ótti. Bunyń nátıjesinde suranysqa ıe daqyldar egisteri 932 myń gektarǵa keńeıtilýde.
Budan bólek ol elimizdiń aýmaǵynda bıdaı sapasyna toqtaldy.
«Ókinishke qaraı, sońǵy jyldary astyqtyń sapasy jyl saıyn tómendep keledi. 2011 jyly 1-3 sanattaǵy astyq kólemi 88 paıyzdy qurady, al 2016 jyly 45 paıyzdy qamtydy. Sonymen birge kerisinshe sapasy tómen 4-5 sanattaǵy bıdaı 2011 jyldaǵy 10 paıyzdan 2016 jylda 41 paıyzǵa deıin artty», - dep túsindirdi Aıtýǵanov.
Osyny eskere otyryp, bıyldan bastap elıtaly tuqymdardy sýbsıdııalaý qalpyna keltirildi. Bıyl tuqym sharýashylyǵyna bólingen qarajat byltyrmen salystyrǵanda 3,2 esege artyq.
Munymen qosa, tyńaıtqyshtardy qoldanýdy yntalandyrý maqsatynda sýbsıdııalaý tásilderi ózgertildi. Sýbsıdııalanatyn tyńaıtqyshtar sany ótken jyly 85 bolsa, 2017 jyly 161-ge deıin artty. Búgingi tańda 200 myń tonna tyńaıtqysh alyndy.