Jyl saıyn áskerı sherýimizdiń sáni de, máni de ózgeshelenip keledi -Halyq qaharmany B. Ertaev

amyzdyń 30-y. QazAqparat /Qanat Mámetqazyuly/ -Jyl saıyn áskerı sherýimizdiń sáni de, máni de ózgeshelenip keledi. Búgin QR Konstıtýtsııasynyń 15 jyldyǵyna arnalǵan elordadaǵy «Qazaq eli» monýmentiniń aldyndaǵy áskerı sherýden keıin QazAqparat tilshisine bergen suhbatynda Aýǵanstan soǵysynyń ardageri, general-leıtenant, Halyq Qaharmany Baqytjan Ertaev osylaı málim etti.

«Búgin Qazaqstannyń júregi - Astanada, Ata zańymyzdyń 15 jyldyǵy qurmetine arnalǵan saltanatty áskerı sherý bolyp ótti. Osy sherý arqyly bútkil elimiz Otanymyzdyń qorǵanys túriniń kúsheıip, nyǵaıǵanyn kórdi, sarbazdarymyzdyń otan qorǵaý daıarlyǵynyń kýási boldy, áskerı sheberlikti tamashalady. Jalpy, biz Otanymyzdy qorǵaıtyn kúshtiń myǵym ekenin aıta alamyz. Bizdiń Ánuranymyz «Altyn kún aspany» dep bastalsa, baıraǵymyz da soǵan sáıkestelip kók aspandaǵy «altyn kúnmen», qyranymen aıshyqtalyp tur. Sondyqtan da, bundaı Týymyz jyǵylmaıdy dep oılaımyn, ony qorǵaıtyn kúshterimiz joǵary deńgeıde», dedi B. Ertaev.

Sonymen birge, general-leıtenat B. Ertaev áskerı sherýge qatysty esh baǵa bermeıtinin aıtyp, «jalpy, jyl saıyn bizdiń áskerı sherýimizdiń sáni de, túri de, máni de ózgeshelenip, týra elimizben birge qulpyryp keledi», dep atap ótti.