Jyl saıyn aptap ystyq pen sýyq 5 mln adamnyń ómirin qıyp ketedi
NUR-SULTAN. QazAqparat - Jyl saıyn álemde 5 mıllıonǵa jýyq adam aýa raıynyń tym ystyq nemese sýyq bolýyna baılanysty kóz jumady, dep habarlaıdy QazAqparat The Guardian basylymyna silteme jasap.
Álemniń ondaǵan ǵalymdary qatysqan zertteý kórsetkendeı, jyl saıyn 9,4% ólim ystyq nemese sýyqqa baılanysty bolady, bul 100 000 adamǵa shaqqanda 74 ólimge teń.
Zertteýshiler 2000-2019 jyldar aralyǵynda 43 eldegi ólim-jitim men aýa-raıynyń derekterin taldap, on jyl ishinde ortasha táýliktik temperatýra 0,26 ° C-qa joǵarylaǵanyn anyqtady.
Sońǵy jıyrma jyldyń ishinde adamdar ystyqtan góri sýyqtan kóbirek qaıtys bolǵan. Biraq, endi aptap ystyqqa baılanysty ólim kóbeıýi yqtımal.
Zertteý jetekshileriniń biri, professor Monash ıÝmıng Gýo bul úrdis bolashaqta klımattyń ózgerýine baılanysty jalǵasatynyn aıtty.
«Bolashaqta sýyqtan bolatyn ólim-jitim azaıa beredi, biraq ystyq saldarynan kerisinshe kóbeıetin bolady», - deıdi Gýo.
