Jyl saıyn «Alashqa taǵzym» is-sharalaryn ótkizýge kedergi joq
«Saıası qýǵyn-súrgin qurbandaryn eske alý kúnine arnalǵan is-sharalar ulttyq ıdeologııany damytýda mańyzdy ról atqarady. Memleket basshysynyń 2020 jylǵy 24 qarashadaǵy № 456 Jarlyǵymen Saıası qýǵyn - súrgin qurbandaryn tolyq ońaltý jónindegi memlekettik komıssııa (budan ári-memlekettik komıssııa) quryldy. Komıssııanyń negizgi mindeti 1920-1950 jyldardaǵy saıası qýǵyn-súrgin qurbandaryn tolyq quqyqtyq jáne saıası aqtaý bolyp tabylady. Oblystar men Astana, Almaty jáne Shymkent qalalarynda saıası qýǵynsúrgin qurbandaryn aqtaý máseleleri boıynsha 17 óńirlik komıssııa jumys isteıdi. Parlament Májilisi depýtattarynyń bastamasymen óńirlerde jyl saıyn Saıası qýǵyn-súrgin qurbandaryn eske alý kúnine oraı «Alashqa taǵzym» is-sharalary ótkiziledi», - dep atap ótedi Úkimet basshysy jaýabynda.
Sonymen qatar Prmer-Mınıstr jyl saıyn 31 mamyrda oblystar men Astana, Almaty jáne Shymkent qalalarynda memlekettik komıssııanyń qoldaýymen barlyq jerde eske alý is-sharalary uıymdastyrylatyndyǵyn atap ótedi.
«Іs-sharaǵa jergilikti turǵyndar, shet memleketterdiń elshileri, azamattyq qoǵam, jastar jáne BAQ ókilderi qatysady. Asharshylyq pen saıası qýǵyn-súrgin qurbandaryn eske alý kúnine arnalǵan is-sharalar respýblıkalyq jáne óńirlik BAQ-ta, áleýmettik jelilerde keńinen jarııalanady», - dedi Álıhan Smaıylov.
Esterińizge sala keteıik, Májilistegi «Aq jol» fraktsııasynyń depýtattary Úkimet basshysynyń atyna joldaýǵa saýalda ulttyq rýhymyzdy kóterý úshin jyl saıyn 31 mamyrda «Alashqa taǵzym» sherýin ótkizýge kedergi keltirmeý máselesin kótergen bolatyn.
