Jyl saıyn adam saýdasyna qatysty 250-den astam qylmystyq is qozǵalady - ІІM
ASTANA. 30 qańtar. QazAqparat - Qazaqstanda jyl saıyn adam saýdasymen baılanysty 250-den astam qylmystyq ister qozǵalady. Bul týraly búgin Parlament Májilisinde «Qazaqstan Respýblıkasynyń keıbir zańnamalyq aktilerine adam saýdasyna qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn tanystyrý barysynda ІІM Krımınaldy polıtsııa komıtetiniń tóraǵasy Erlan Omarbekov málim etti.
«Jyl saıyn elimizde adam saýdasymen baılanysty orta eseppen alǵanda 250-ge tarta qylmystyq is qozǵalady. Máselen, naqty aıtsaq 2009 jyly osy qylmystar boıynsha - 271, 2010 jyly 279 qylmystyq is qozǵalsa, 2011 jyly olardyń sany 287-ge jetip, byltyrǵy 2012 jyly 267 qylmystyq isti qurady», - deıdi Erlan Omarbekov.
Onyń aıtýyna qaraǵanda, adam saýdasy qylmysy saldarynan japa shegetinderdiń jyl saıynǵy kórsetkishi de artyp otyr. Máselen, 2009 jyly adam saýdasynyń qurbanyna aınalǵan 59 adam tirkelse, 2010 jyly olardyń sany - 82, 2011 jyly - 84, al byltyrǵy 2012 jyly 85 adamdy qurady.
«Elimizde oryn alǵan adam saýdasy qylmysynyń qurbandary arasynda shet memlekettiń, onyń ishinde Ortalyq Azııa elderiniń azamattary da boldy. Bundaı azamattardyń sany 2009-2011 jyldary 9 adamdy qurasa, 2012 jyly 11 adamǵa jetti», - deıdi E. Omarbekov.
