Jyl saıyn 800-ge jýyq ártúrli sıpattaǵy tabıǵı órt shyǵady
«Tabıǵı órtterdiń aldyn alý jáne der kezinde joıý – memlekettik azamattyq qorǵaý júıesiniń basty mindeti. Elimizde jyl saıyn 800-ge jýyq ártúrli sıpattaǵy tabıǵı órt shyǵady. «Qazgıdromet» bıylǵy jyldyń úshinshi toqsanynda elimizde aýa temperatýrasynyń ortasha kórsetkishi 30 gradýs bolady dep boljaıdy. Sonymen qatar, jaýyn-shashynnyń az túsýinen órt qaýpiniń basymdyǵy eskertiledi», - dedi Tileýberdi Mádıev ortalyq kommýnıkatsııalar qyzmeti alańynda ótken baspasóz máslıhatynda.
Aıtýynsha, búgin elimizde 11 órt shyǵý jaǵdaıy tirkeldi. Onyń 4-i ShQO, 4-i Qaraǵandy jáne 3-i Abaı oblysynda.
«Qabyldanyp jatqan sharalarǵa qaramastan, órt qaýpi kezeńi bastalǵaly beri elimizde 659 orman jáne 74 dala órti tirkelip otyr. Odan bólek, 2 myńnan astam dalanyń janýy tirkeldi. Ol – 131 myń sharshy gektar. Bizdi tabıǵı órtterdiń úı-jaılarǵa kóshýi erekshe alańdatyp otyr», - deıdi ol.
Buǵan deıin Tótenshe jaǵdaılar mınıstrliginiń ókili Qostanaı oblysynda órtengen úıdiń ornynan adam denesi tabylǵany týraly habarlaǵan edi.
Aıta keteıik, Tótenshe jaǵdaılar mınıstri ıÝrıı Ilın Qostanaı oblysynda tabıǵı órt aýyzdyqtalǵanyn málimdedi.
