Jyl saıyn 6 myńnan astam tájirıbeli polıtseıler qyzmetten ketedi - Q.Qasymov
ASTANA. 28 mamyr. QazAqparat - Jyl saıyn 6 myńnan astam tájirıbeli polıtseıler qyzmetten ketedi. Bul týraly búgin QR Prezıdenti janyndaǵy Adam quqyqtary jónindegi komıssııanyń keńeıtilgen otyrysynda QR Іshki ister mınıstri Qalmuhanbet Qasymov málim etti.
«Nashar qorǵalýy, áleýmettik-turmystyq problemalardyń sheshilmeýi, psıhologııalyq emotsııalyq júktiń artýy, kásip tartymdylyǵynyń tómendeýi polıtsııadan barynsha tájirıbeli qyzmetkerlerdiń turaqty ketýine túrtki bolyp otyr», - dedi ol.
Mınıstrdiń atap ótýinshe, kadrdaǵy ahýalǵa júrgizilgen saraptama mamandardyń jıi aýysyp turatyndyǵyn kórsetken. Bul Іshki ister mınıstrligi barlyq júıesiniń jedel qyzmetiniń tıimdiligine keri áserin tıgizedi.
«Jyl saıyn 6 myńnan astam jumys tájirıbesi mol qyzmetkerler jumystan ketedi. Bul kásibı ózekke de áserin tıgizedi. Qazirgi ýaqytta krımınaldyq polıtsııa bólimshelerindegi 5 jyldan astam eńbek ótili bar qyzmetkerlerdiń úlesi 65,5, tergeý organdarynda - 66,6, ýchaskelik ınspektorlar arasynda - 64,2 paıyzdy quraıdy», - dedi ol.
Q.Qasymovtyń paıymynsha, mundaı statıstıkalyq derekter polıtsııa qyzmetkerleriniń áleýmettik qorǵalýyn kúsheıtý qajettigine dálel bola alady.
