Jyl saıyn 35 ónerkásiptik-taýarlyq sút fermasyn iske qosamyz – Saparhan Omarov

NUR-SULTAN. QazAqparat – Qazaqstan jyl saıyn 500 myń tonnaǵa sýyq sút ónimderin ımporttap otyr. Bul týraly Úkimet otyrysynda QR Aýyl sharýashylyǵy mınıstri Saparhan Omarov aıtty, dep habarlaıdy QazAqparat tilshisi.

«Sút ónimderi ımportynyń jalpy kólemi sút shıkizatyna qaıta eseptegende shamamen 500 myń tonnany quraıdy. Molyqtyrý máselesin ónerkásiptik taýarlyq sút fermalarynyń qýattylyqtaryn iske qosý men keńeıtý jáne otandyq sút zaýyttaryn jete júkteý esebinen sheshý josparlanyp otyr», - dedi agroónerkásiptik keshendi damytýdyń negizgi baǵyttary jáne ınvestıtsııalyq jobalardyń iske asyrylýy týraly baıandaǵan mınıstr.

Mınıstrdiń atap ótýinshe, elimizde jyl saıyn 35 ónerkásiptik-taýarlyq sút fermasyn iske qosý josparlanǵan.

«Bul rette ótken jyldyń ózinde jalpy qýaty 98 myń tonna bolatyn 48 taýarlyq sút fermasy iske qosyldy, onyń 17-si – ónerkásiptik-taýarlyq sút fermalary», - dedi ol.