Jyl saıyn 3 mln-ǵa tarta qazaqstandyq otandyq kýrorttarda demalady
ASTANA. QazAqparat - Jyl saıyn 3 mln-ǵa tarta qazaqstandyq otandyq kýrorttarda demalady. Bul týraly QR Indýstrııa jáne jańa tehnologııalar mınıstrligi Týrızm ındýstrııasy komıtetiniń «QazAqparat» HAA-niń resmı saýalyna bergen jaýabynda habarlandy.
Eger 2011 jyly qazaqstandyq kýrorttarda 2,9 mıllıon adam demalsa, 2012 jyly - 3,2 mıllıon adam, al 2013 jyly - 3,5 mıllıon adam demalǵan.
Sońǵy úsh jyldyń ishinde 18 mıllıon sheteldik Qazaqstanǵa sapar jasaǵan. Onyń ishinde týrıstik maqsattarmen kelgender de bar. «Qazirgi ýaqytta árbir ekinshi shetel azamaty Almatyǵa saparlaıdy», - delingen habarlamada.
Qazaqstanda týrızm salasynyń JІÓ-degi úlesi 0,3 paıyzdy quraıdy. 2012 jyly týrıstik qyzmetten túsken paıda 151 mlrd. teńge bolǵan. Bul 2008 jylmen salystyrǵanda 2 esege artyq.
Kom ı tettiń atap kórsetkenindeı, Týrıstik salany damytýdyń tujyrymdamasy boıynsha, 2020 jyly Qazaqstanda bul salanyń JІÓ-degi úlesi 3 paıyzǵa jetpek. Al elge syrttan keletin týrısterdiń sany jylyna 8 mln. adam bolady dep kútilýde.
