Jyl saıyn 200 qazaqstandyq dáriger álemniń úzdik medıtsınalyq ortalyǵynda bilim alady
ASTANA. QazAqparat - Jyl saıyn 200-ge jýyq qazaqstandyq maman respýblıkalyq bıýdjet esebinen álemniń jetekshi medıtsınalyq ortalyqtarynda bilimin jetildiredi. Bul týraly QazAqparattyń resmı saýalyna jaýap bergen QR Densaýlyq saqtaý jáne áleýmettik damý mınıstrliginen habarlady.
Máselen, mınıstrlik aqparatyna qaraǵanda, aǵymdaǵy jyly medıtsına salasynyń basymdyqty baǵyttary boıynsha qazaqstandyq 145 mamannyń Germanııa, Lıtva, Latvııa, Frantsııa, Ulybrıtanııa, Reseı, Chehııa, Belarýs, Túrkııa, Belgııanyń jetekshi medıtsınalyq ortalyqtarynda bilim alýy josparlanǵan. Aǵymdaǵy jyldyń 9 aıynyń qorytyndysyna sáıkes 39 maman óz bilim jetildirip, elimizge oraldy.
Budan bólek, otandyq medıtsınalyq bilim jáne ǵylym uıymdarynyń bazasynda halyqaralyq deńgeıdegi sheteldik mamandardyń qazaqstandyq dárigerlerge arnalǵan sheberlik sabaqtary ótkizilýde. Aǵymdaǵy jyly Avstrııa, Ońtústik Koreıa jáne Reseıden kelgen mamandar elimizdiń joǵary oqý oryndarynda pedıatrııanyń ózekti máseleleri boıynsha dáris berdi. Italııa, Izraıl jáne Koreıa elderiniń jetekshi onkologııalyq ortalyqtarynyń mamandary Qazaq onkologııa jáne radıologııa ǵylymı-zertteý ınstıtýynda onkologııanyń ózekti máselelerine qatysty sheberlik sabaqtaryn ótkizdi.
