Jyl saıyn 2 mln adam turǵylyqty jeri boıynsha qaıta tirkeýden ótedi

ASTANA. QazAqparat – QR Іshki ister mınıstriniń birinshi orynbasary Marat Qojaev el halqynyń turǵylyqty jerine tirkelýine qatysty málimet berdi, dep habarlaıdy QazAqparat tilshisi.

«Іshki ister mınıstrligi derekter bazasy boıynsha búgingi tańda elimizde 13 mln astam adam tirkelgen. Jyl saıyn turǵylyqty jeri boıynsha tirkeý jáne qaıta tirkeý úderisinen shamamen 2 mln adam ótedi», - dedi M. Qojaev Májilis depýtattarynyń saýalyna bergen jaýabynda.

Onyń aıtýynsha, ishki kóshi-qon protsesine tıisti taldaý júrgizildi. Osy oraıda ishki kóshi-qonnyń ornyqty aǵyny neǵurlym tartymdy óńirlerge qaraı baǵyttalyp otyr.

ıAǵnı, adamdar kóbine Astana, Almaty jáne Shymkent qalalaryna qonys aýdaryp jatyr.

Kóshi-qon protsesine ekonomıkalyq faktor áser etedi. Adamdar jumys, turǵyn úı, joǵary jáne turaqty jalaqy, jaqsy ómir súrý jaǵdaıy úshin qonys aýdarady.

Buǵan aýyldardaǵy áleýmettik-ekonomıkalyq damý deńgeıiniń jaǵdaıy yqpal etip otyr.

«Іshki kóshi-qon aıasynda aýyldan qalaǵa qaraı qonys aýdarý úderisi saqtalǵan. Bul turǵyda aýyldarda turǵyndar úshin qolaıly áleýmettik jaǵdaılardyń jáne jumystyń bolmaýy áser etedi. Osy oraıda kóshi-qon protsesi óńirlerdiń, aýyldardyń damýyna, memlekettik baǵdarlamalardy jetildirý tıimdiligine táýeldi», - dedi mınıstrdiń orynbasary.

Onyń sózine qaraǵanda, iri qalalardyń mańyndaǵy eldi mekenderde turatyn halyqtyń naqty sanyn anyqtaý mańyzdy bolyp tur.

Sebebi olar qalada tirkelgenimen, osy tirkelgen ornynda turmaıdy.

Qalalardyń mańyndaǵy aýyldarda turatyn adamdar mundaı qadamǵa memlekettik qyzmetterdi alý, turǵyn úı kezegine turý úshin baryp jatady.

Budan buryn habarlanǵandaı, Májilis depýtaty Mádı Elıýbaev úlken qalalarǵa jaqyn ornalasqan aýyldardyń máselesin kóterip, QR Іshki ister mınıstriline saýal joldaǵan edi.