Jyl saıyn 100 mln adam kedeılenedi - Dúnıejúzilik banktiń basshysy
ASTANA. QazAqparat - Dúnıejúzinde 400 mıllıondaı adamnyń negizgi medıtsınalyq qyzmetterge qol jetpeıdi. Al jyl saıyn 100 mıllıon adam densaýlyq saqtaý qyzmetteri baǵasynyń joǵary bolýynyń saldarynan kedeı adamdar qataryna qosylady. Bul týraly Dúnıejúzilik banktiń prezıdenti Djım En Kım jýrnalıstermen suhbatynda aıtty, dep habarlaıdy TASS.
«Eger biz eshqandaı shara qoldanbasaq, álem halqynyń tek úshten biri ǵana áleýmettik kómek ala alatyn bolady. 2030 jylǵa qaraı 167 mıllıon bala kedeıshilikte ómir súrýi múmkin», - dedi ol.
Sondaı-aq ol qazirgi kezde 155 mln balanyń alańsyz bilim ala almaı otyrǵandyǵyn jetkizdi.
