Jyl saıyn 1 mlrd. teńgege jýyq qarajat salaýatty ómir saltyn nasıhattaýǵa bólinedi

ASTANA. QazAqparat - Jyl saıyn 1 mlrd. teńgege jýyq qarajat salaýatty ómir saltyn nasıhattaýǵa bólinedi. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde QR Densaýlyq saqtaý mınıstrligi Salaýatty ómir saltyn qalyptastyrý ulttyq ortalyǵynyń dırektory Jámılá Battaqova málim etti.

«Salamatty Qazaqstan» baǵdarlamasy aıasynda 2011-2015 jyldarǵa maqsatty transfertter arqyly salaýatty ómir saltyn qalyptastyrý qyzmetin qarjylandyrýǵa múmkindik ashyldy. Jyl saıyn 1 mlrd. teńgege jýyq qarajat salaýatty ómir saltyn nasıhattaýǵa bólinedi. Bul sharalar Qazaqstannyń barlyq 16 oblysynda ótedi», - dedi ol.

J. Battaqovanyń aıtýynsha, osyndaı sharalardy ótkizý arqyly jáne salyqtyq stavkalardy joǵarylatý elde temeki ónimderin tutynatyn halyqtyń úlesin tómendetýge yqpal jasady.