Jyl ótken saıyn obyrdy emdeý qymbattap barady - zertteý
ASTANA. QazAqparat - Onkologııalyq dertti emdeýge qomaqty qarjy qajet. «IMS Health» saraptamalyq kompanııasynyń zertteýinshe, álemde onkologııalyq aýrýlardy emdeýge ketken qarajat ótken jyly 100 mıllıard dollardy qurady. Bul 2013 jylǵa qaraǵanda 10,3% artyq. Bes jyl buryn bul kórsetkish 75 mıllıard dollardy quraǵan, dep jazady «Remedıým».
Jalpy, obyrǵa qarsy dárilerge medıkamentterdi satyp alýǵa arnalǵan aqshanyń 10,8% jumsalady eken. Mundaı dárilerdi satyp alýǵa shyǵyndanatyn elderdiń kósh basynda AQSh (jalpy shyǵynnyń 42,2%) tur. Ary qaraı Germanııa, Frantsııa, Ulybrıtanııa, Ispanııa men Italııa tur.
2010-2014 j.j. obyrǵa qarsy 45 jańa preparat naryqqa shyqty. Innovatsııalyq terapııaǵa AQSh, Germanııa jáne Ulybrıtanııanyń barlyq-derlik turǵyny qol jetkize alady. Jańa preparattardyń 50% jýyǵyn Ońtústik Koreıa, Ispanııa nemese Japonııa azamattary satyp alýǵa qaýqarly. Sarapshylar 2018 jylǵa qaraı álemde obyr dertine qarsy dárilerge jumsalatyn shyǵyn 117-147 mıllıard dollarǵa deıin jetedi dep otyr. Alaıda, básekege qabiletti birneshe ımmýnobıologııalyq preparattardyń naryqqa shyǵýy (bul boıynsha Bristol-Myers Squibb, Merck, Roche, AstraZeneca kompanııalary jumys istep jatyr) emdik baǵasy boıynsha jaǵdaıdy turaqty qylýǵa septesýi múmkin.
