Jyl ishinde Qazaqstan men Koreıanyń taýar aınalymy 2,2 mlrd dollardy qurady – Kım De Sık
ALMATY. QazAqparat –Koreıa Respýblıkasynyń QazaqstandaǵyTótenshe jáne Ókiletti elshisi Kım De-Sık, BAQ ókilderimen kezdesip,eki el arasyndaǵy ekonomıka salasynyń damýyn aıtyp berdi, dep habarlaıdy QazAqparat tilshisi.
Ótken jyly Qazaqstan men Ońtústik Koreıa arasyndaǵy taýar aınalymy 2,2 mlrd dollardy qurady.
«Koreıa Respýblıkasy Qazaqstanda óz isin ashqan sheteldik ınvestorlardyń alǵashqy ondyǵyna kiredi. Investıtsııalar negizinen ekonomıkany damytatyn mashına jasaý, elektronıka men farmatsevtıka syndy salalarǵa baǵyttalǵan. Jalpy ınvestıtsııa kólemi 4 mlrd dollardan asty. Búgingi tańda Koreı tarapy Qazaqstan bıliginiń bıznesti damytýǵa jasaǵan jeńildikterine qyzyǵýshylyq tanytyp otyr»,-deıdi Koreıa Respýblıkasynyń Qazaqstandaǵy Tótenshe jáne Ókiletti elshisi Kım De-Sık.
Búgingi kúni Qazaqstanda Ońtústik Koreıanyń kapıtaly bar 500-ge jýyq kompanııa jumys isteıdi. Sońǵy jyldary «Hyundai», «LG, Samsung», «Lotte Confectionery», «Dongil Highvill» sııaqty kompanııalar Qazaqstanda asa aýqymdy tabystarǵa qol jetkizýde.
«Biz eki el arasyndaǵy jobalardy erekshe nazarda ustaımyz. Mysaly, koreıalyq kompanııanyń qatysýymen úlken Almaty aınalma jolynyń qurylysy júrip jatyr. 2019 jyldyń sońyna deıin koreıalyq avtomobılderdi jınaý boıynsha jańa zaýyttyń qurylysy aıaqtalady. Mashına zaýyty jylyna 20 myń kólik qurastyryp shyǵarady. Káris bıznesi Qazaqstannyń tamaq ónerkásibi, taý-ken baıytý ónerkásibi salarynda tabysty jumys isteýde»,-dep atap ótti Kım De-Sık.
Sonymen qatar ol búginde Qazaqstanda tsıfrlandyrýǵa basa nazar aýdarylyp jatqandyǵyn aıta kele , Koreıanyń kóp jyldyq tájirıbesi bul salanyń Qazaqstanda damýyna zor úlesin qosatyndyǵyn atap ótti.
«IT salasynda Koreıa óziniń smart tehnologııalaryn Qazaqstanǵa tolyqtaı engizýge daıyn. Qazaqstan Prezıdenti men Koreıa Prezıdentiniń kezdesýinen keıin budan ózge jańa baǵyttaǵy salalar qolǵa alynbaq», - dep qosty elshi.
