Jyl ishinde Qazaqstan quramasynyń FIFA reıtınginde jaǵdaıy qalaı ózgerdi
ASTANA. QazAqparat - Búgin FIFA quramalary reıtıngteriniń jeltoqsan aıyndaǵy jaǵdaıy boıynsha jańartylǵan nusqasy jarııalandy, dep habarlaıdy Sports.kz.
Reıtıngte Qazaqstan quramasy 119-shy orynda tur, qarasha aıymen salystyrǵanda bir saty joǵary kóterilgen. Postkeńestik keńistik elderiniń arasynda Qazaqstan quramasy Tájikstan, Túrikmenstan, Latvııa, Lıtva jáne Moldovadan ozyp tur.
Bir jyldyń ishinde Stanımır Stoılovtyń qaramaǵyndaǵy sportshylar óz jaǵdaıyn 16 satyǵa jaqsartqan - qańtar aıynda elimizdiń bas komandasy 135-shi orynda edi.
Reıtıngtegi birinshi orynda burynǵydaı Belgııa quramasy. Sondaı-aq kóshbasshylar «úshtigine» Frantsııa men Brazılııa kirip otyr.
