Jyl ishinde Astana halqy 40 myńǵa jýyq adamǵa kóbeıdi
ASTANA. QazAqparat - 2015 jyldyń 1 qańtaryna Astana qalasy halqynyń sany 852985 adamdy qurady.
2014 jyldyń basymen salyıtyrǵanda, Astana qalasy halqynyń jalpy sany 38550 adamǵa kóbeıdi, dep habarlady elordanyń statıstıka departamenti.
2014 jylǵy qańtar-jeltoqsan aılaryndaǵy halyqtyń tabıǵı ósimi 20630 adamdy, kóshi-qon ósimi - 17920 adamdy qurady.
2014 jyldyń qańtar-jeltoqsan aılarynyń ishinde tutastaı alǵanda Astanada týylǵandar sany 24216 adam bolyp, 2013 jylmen salystyrǵanda, 10,8 paıyzǵa artty. Sonymen qatar halyqtyń tabıǵı ósimi burnaǵy jyldyń qańtar-jeltoqsan aılarymen salystyrǵanda 12,6 paıyzǵa ulǵaıyp, 20630 adamdy qurady.
Osy kezeńde qalada 3586 adam qaıtys boldy, bul 2013 jyldyń qańtar-jeltoqsan aılaryndaǵy kórsetkishpen salystyrǵanda 1,4 paıyz kóp.
Qańtar-jeltoqsanda 1 jasqa deıingi 167 sábı qaıtys boldy, bul 2013 jyldyń osy kezeńimen salstyrǵanda 29 oqıǵaǵa az. Sábıler ólimi koeffıtsıenti 6,90-dy qurady (2013 jylǵy qańtar-jeltoqsanda - 8,97).
Halyq arasyndaǵy ólimniń 33,3 paıyzy qan aınalysy júıesi aýrýlary, 21,4 paıyzy - jańa aýrýlar, 13,3 paıyzy - baqytsyzdyq jaǵdaılary, ýlaný nemese jaraqattaný sebepterinen bolyp otyr.
AHAT organdarynda tirkelgen úılený nekeleri 2014 jylǵy qańtar-jeltoqsan aılarynda ótken jyldyń tıisti kezeńimen salystyrǵanda 7,8 paıyzǵa ulǵaıdy, ajyrasýlar sany - 9,4 paıyzǵa kóbeıdi.
