Jyl boıy jańa bosanǵan analarǵa aqparattyq-bilim berý quraldary syılanady
ASTANA. 31 mamyr. QazAqparat - Erteń, 1 maýsymda Halyqaralyq balalardy qorǵaý kúni elimizdiń barlyq óńirlerinde «Qýan, sábı» atty nárestelerdi kútýge qatysty aqparattyq-bilim berý quralyn tabystaý aktsııasy bastalady.
Bul týraly QR Densaýlyq saqtaý mınıstrliginiń baspasóz qyzmeti habarlaıdy.
Aǵymdaǵy jyldyń sońyna deıin sozylatyn shara sheńberinde elimiz boıynsha jalpy sany 300 myńnan astam osyndaı qural tabys etiletin bolady. Ony árbir bosanǵan ana alady.
Aktsııanyń bastalýyna oraı Astana qalasyndaǵy №3 perzenthanada QR Densaýlyq saqtaý mınıstri Salıdat Qaıyrbekova jáne halyqaralyq, úkimettik emes uıym ókilderiniń qatysýymen alǵashqy aqparattyq-bilim berý quraldaryn tabystaý rásimi ótedi.
Úsh jasqa deıingi balalardy baǵyp-qaǵý týraly ata-analarǵa arnalǵan aqparattyq-bilim berý quralynda júkti áıelderge arnalǵan keńester, erte jastaǵy balalarǵa jasalatyn ekpeler, bala aýrýlarynyń qaýipti belgileri, shuǵyl jaǵdaılarda kórsetiletin alǵashqy kómek týraly baıandalǵan. Usynylyp otyrǵan osy nusqaýlyqtan jańa týǵannan bastap úsh jasqa deıingi balalarǵa qatysty kóptegen suraqtarǵa jaýap tabýǵa bolady.
Bastalý ýaqyty: saǵat 14-00
Ótkiziletin orny: Astana q-sy, Rysqulov kóshesi 6, «№3 qalalyq perzenthana»
Akkredıtteý 8/7172/ 74-31-37, 74-32-41, s.kuatzhanova@mz.gov.kz , d.menilbekov@mz.gov.kz boıynsha júrgiziledi.
