Jyl basynan jol apatynan 70-ten astam bala qaza tapty
«Biz balalarǵa qaýipsizdik sharalaryn baǵalaýdy úırenýge jáne ómirlik jaǵdaılarda senimdi bolýǵa kómektesýimiz kerek. Joldaǵy minez-qulyqty kóbinese bala ata-analardyń júris-turysynan alady. Sondyqtan eger ata-analar jol qaýipsizdigi erejeleri týraly sóılesip qana qoımaı, olardy ózderi saqtasa, onda bala úshin bul tártip normasyna aınalady. Jyl basynan beri balalarmen baılanysty 1,2 myńnan astam jol-kólik oqıǵasy tirkeldi. Odan 70-ten astam bala qaza taýyp, 1,5 myńǵa jýyq jasóspirim jaraqat aldy», - dedi ol Іshki ister mınıstrliginiń baspasóz qyzmeti alaǵńynda ótken brıfıngte.
Máselen, onyń dereginshe, 2022 jylǵy 28 maýsymda Qaraǵandy oblysynyń aýmaǵynda, Nura ózeni arqyly ótetin kópirde Honda Odyssey avtokóliginiń júrgizýshisi basyp ozý kezinde qarsy baǵytta kele jatqan Volkswagen Golf avtokóligimen soqtyǵysqan. Oqıǵa saldarynan eki júrgizýshi de qaza tapty. Sondaı-aq avtokólikterdegi 9 jolaýshy aýrýhanaǵa jatqyzyldy, onyń ishinde 7 bala bar.
«Sol kúni Batys Qazaqstan oblysynyń aýmaǵynda «Oral-Atyraý» avtokólik jolynda Nissan Almera avtokóliginiń júrgizýshisi aýdarylyp ketken. Nátıjesinde júrgizýshi men 2 jolaýshy qaza tapty, onyń bireýi bala», - dedi ol.
