Jyl basynan Jer resýrstaryn basqarý agenttigi tóraǵasynyń jeke blogyna 96 hat kelip tústi
ASTANA. 10 sáýir. QazAqparat - Jyl basynan beri Jer resýrstaryn basqarý agenttigi tóraǵasynyń jeke blogyna turǵyndardan 96 hat kelip túsken.
Bul málimetterdi búgin «Qazaqstan Respýblıkasynyń
Jer resýrstaryn basqarý agenttigindegi jemqorlyqpen kúres» atty taqyrypta ótken semınar-keńes barysynda atalmysh agenttiktiń jaýapty hatshysy Gúljahan Bımendına keltirdi.
Onyń málimetterinshe, agenttik tóraǵasynyń blogyna kelip túsken hattardyń 45 paıyzy jergilikti atqarýshy organdardyń qyzmetterine narazylyq túrinde túsken. Olardyń basym bóligi ótinishterdi qaraý merzimin keshiktirý men jer telimderin berýge negizsiz qarsylyq tanytý, jer telimin alýdaǵy kezektiń saqtalmaýy, sapasyz qyzmet kórsetý sııaqty máselelerdi qamtıdy.
«Jergilikti atqarýshy organdar tarapynan jiberilgen kemshiliktermen qatar buqara halyqtyń synyna jer resýrstaryn basqarý agenttiginiń ózi de ushyrap otyr»,-deıdi G.Bımendına.
