Jyl basynan jastarǵa 1,5 myń mıkrokredıt berildi

ASTANA. QazAqparat – Jyl basynan beri 5 myńnan astam grant jáne jastarǵa 1,5 myńnan astam mıkrokredıt berildi. Bul týraly Úkimet otyrysynda Premer-Mınıstr Álıhan Smaıylov aıtty, dep habarlaıdy QazAqparat tilshisi.

«Óz isin damytý úshin mıkrokredıtter men granttar berý boıynsha keshendi jumys júrgizilýde. Búgingi kúni 5 myńnan astam grant jáne jastarǵa 1,5 myńnan astam mıkrokredıt berildi. Konkýrstyq negizde jas kásipkerlerge jyldyq 2,5 paıyzpen jeńildikti kredıt berilýde», - dedi Úkimet basshysy.

Onyń atap ótýinshe, turaqty jáne memleket sýbsıdııalaıtyn jumys oryndaryna jumysqa turý múmkindigi, qaıta bilim alý, bıznesti damytýǵa memlekettik grant nemese mıkrokredıtti qalaı alýǵa bolatyny týraly aqparattyq-túsindirý jumystary kúsheıtildi.

«Atalǵan sharalardyń barlyǵy halyqtyń turmys sapasyn jaqsartýǵa baǵyttalǵan», - dedi Premer-Mınıstr.

Osyǵan deıin eńbek bırjasy arqyly 124 myń azamat jumys tapqanyn jazdyq.