Jyl basynan jarty mıllıonnan astam qazaqstandyq týrıst Ózbekstanǵa barǵan
TAShKENT. QazAqparat – Jyl basynan beri jarty mıllıonnan astam qazaqstandyq týrıst Ózbekstanǵa keldi, dep habarlaıdy QazAqparat menshikti tilshisi.
Ózbekstannyń memlekettik statıstıka komıtetiniń málimetinshe, 2023 jyldyń qańtar-sáýir aılarynda Ózbekstanǵa týrıstik maqsatta 2019,4 myń sheteldik azamat kelgen. Týrızm aǵynynyń kóshbasshylary úshtiginde Ózbekstanmen kórshiles elder tur.
Birinshi orynda Tájikstan – 623,8 myń týrıst. Qazaqstan 558,8 myń týrıstpen ekinshi orynda. Qyrǵyzstan 487,7 myń adammen kóshbasshylar úshtigin tuıyqtaǵan.
Reseı Federatsııasynan kelgen qonaqtar aǵyny – 207,7 myń adam. Alys shetelden 141,4 myń týrıst kelgen, onyń ishinde Túrkııadan – 29,7 myń, Ońtústik Koreıadan – 9,2 myń, Úndistannan – 8,3 myń, Qytaıdan – 6,3 myń týrıst.
Buǵan deıin habarlanǵandaı, ótken jyly 1,5 mıllıonnan astam qazaqstandyq kórshi respýblıkaǵa baryp, Ózbekstannyń barlyq týrıstik aǵynynyń úshten birin alǵan bolatyn.
